آڈیولیکس تحقیقات: انکوائری کمیشن کو تحقیق طلب آڈیوز فراہم کردی گئیں

وفاقی حکومت نے جسٹس فائز عیسیٰ قاضی کی سربراہی میں آڈیولیکس کی تحقیقات کے لیے بننے والے انکوائری کمیشن کو تحقیق طلب مبینہ آڈیوز فراہم کردیں۔ذرائع کے مطابق آڈیوز کے ساتھ ٹرانسکرپٹ بھی مجاز افسر کے دستخط سے جمع کروا دیا گیا ہے۔مجموعی طور پر 8 آڈیوز کمیشن کو جمع کرائی گئی ہیں، آڈیوز میں موجود افراد کے نام، عہدے اور دستیاب رابطہ نمبرز بھی دئیے گئے ہیں۔خیال رہے کہ آڈیو لیکس کے معاملے پر وفاقی حکومت نے 3 رکنی جوڈیشل کمیشن تشکیل دیا ہے، سپریم کورٹ کے سینئر ترین جج جسٹس قاضی فائز عیسیٰ کی سربراہی میں قائم کمیشن میں بلوچستان ہائی کورٹ اور اسلام آباد ہائی کورٹ کے چیف جسٹس شامل ہیں۔آڈیو لیکس کی تحقیقات کے لیے قائم جوڈیشل کمیشن نے کارروائی کا آغاز کر دیا ہے