وزیراعظم نے قومی سلامتی کمیٹی کا اہم اجلاس کل طلب کر لیا

عمران خان کی گرفتاری کے بعد ملک بھر میں شرپسندوں کی جانب سے فوجی تنصیبات پر حملوں کے بعد حکومت نے قومی سلامتی کمیٹی کا اہم اجلاس کل طلب کرنے کا فیصلہ کرلیا، سول و عسکری قیادت کو شرکت کی دعوت دی جائیگی۔وزیراعظم شہباز شریف کو گزشتہ روز اتحادیوں اور رہنماؤں کی جانب سے مشورہ دیا گیا تھا کہ قومی سلامتی کمیٹی کا اجلاس بلایا جائے۔ وزیراعظم شہباز شریف کی زیر صدارت قومی سلامتی کمیٹی کا اہم اجلاس کلب طلب کرنے کا فیصلہ کیا گیا ہے، اور ذرائع کا کہنا ہے کہ قومی سلامتی کمیٹی کا اجلاس کل دوپہر کو منعقد ہونے کا امکان ہے