پانچواں ون ڈے: نیوزی لینڈ کی جیت، سیریز پاکستان کے نام

نیوزی لینڈ نے پاکستان کو 5 میچز کی سیریز کے آخری ون ڈے میں47 رنز سے شکست دے دی، البتہ گرین شرٹس نے سیریز 1-4 سے اپنے نام کرلی۔کراچی میں کھیلے گئے سیریز کے آخری میچ میں نیوزی لینڈ کے 300 رنز کے ہدف کے تعاقب میں پاکستان کی ٹیم 252 رنز بناسکی، افتخار احمد 94 اور سلمان علی آغان 57 رنز بناکر نمایاں رہے۔آخری ون ڈے میں شکست کے ساتھ ہی پاکستان ٹیم جس نے گزشتہ میچ جیت کر آئی سی سی ون ڈے رینکنگ میں پہلی پوزیشن حاصل کی تھی، وہ نمبر ون پوزیشن سے ہاتھ دھو بیٹھی۔کراچی میں کھیلے گئے آخری ون ڈے میچ میں نیوزی لینڈ کے کپتان ٹام لیتھم نے ٹاس جیتا اور بابر اعظم کو بولنگ کی دعوت دی۔کیویز کی پوری ٹیم 50 ویں اوور میں 299 رنز بناکر آؤٹ ہوگئی، ول ینگ 87 اور کپتان ٹام لیتھم 59 رنز بناکر نمایاں رہے۔آخری ون ڈے کے لیے پاکستان کی جانب سے شان مسعود، فخر زمان، بابر اعظم، محمد رضوان، افتخار احمد، سلمان علی آغا، شاداب خان، اسامہ میر، شاہین شاہ آفریدی، وسیم جونیئر اور حارث رؤف ٹیم کا حصہ تھے۔نیوی لینڈ کی ٹیم میں کپتان ٹام لیتھم ، وِل ینگ ، ٹام بلنڈل ، ہینری نکلز ،کول مکونچی، مارک چیپمین ، ایڈم ملنے ، ہینری شپلے ، ایش سوڈھی اور میٹ ہینری شامل تھے، پاکستان کی پوری ٹیم 47 ویں اوور میں 252 رنز بناکر آؤٹ ہوئی، افتخار احمد72 گیندوں پر 94 رنز بناکر ناٹ آؤٹ رہے۔ نیوزی لینڈ کی جانب سے ہینری شپلے اور راچن رویندرا نے 3،3 وکٹیں حاصل کیں۔واضح رہے کہ گرین شرٹس کو 5 میچز کی سیریز میں 4 صفر کی فیصلہ کن برتری حاصل تھی، آخری ون ڈے میں شکست کے ساتھ ہی پاکستان آئی سی سی ون ڈے رینکنگ میں پہلی پوزیشن سے ہاتھ دھو بیٹھا