پاکستان نے دوسرے ون ڈے میں نیوزی لینڈ کو 5 وکٹوں سے شکست دے دی

پاکستان نے دوسرے ون ڈے میچ میں نیوزی لینڈ کو شکست دیکر 5 میچوں کی سیریز میں دوصفر کی برتری حاصل کرلی۔کیویز کے 337 رنز کے ہدف کے تعاقب میں گرین شرٹس نے 49 ویں اوور میں 3 وکٹوں کے نقصان پر ہدف حاصل کرلیا اور یوں سیریز میں مسلسل دوسری فتح حاصل کرلی، راولپنڈی میں کھیلے جارہے دوسرے ایک روزہ میچ میں فخر زمان اور بابر اعظم کی شاندار بلے بازی نے پاکستان کی جیت میں اہم کردار ادا کیا ۔پاکستان نے ٹاس جیت کر نیوزی لینڈ کو ہہلے کھیلنے کی دعوت دی ، نیوزی لینڈ نے پہلے کھیلتے ہوئے مقررہ 50 اوورز میں 5 وکٹوں کے نقصان پر 336 رنز بنائے۔یہ پنڈی کرکٹ اسٹیڈیم کی تاریخ میں ون ڈے میچ کا سب سے بڑا ٹوٹل ہے۔اس سے قبل اس اسٹیڈیم میں سب سے بڑا مجموعہ 6 وکٹوں کے نقصان پر 329 تھا جو پاکستان نے بھارت کیخلاف 2004 میں بنایا تھا۔پاکستان نے مطلوبہ ہدف 3 وکٹوں کے نقصان پر حاصل کرلیا۔علاوہ ازیں پاکستان کرکٹ ٹیم کے لیفٹ آرم بیٹر فخر زمان نے ون ڈے کرکٹ میں 3 ہزار رنز مکمل کرلیے۔ انہوں نے یہ سنگ میل نیوزی لینڈ کیخلاف دو سرے ون ڈے میچ کے دوران عبور کیا۔پاکستانی بیٹر 3 ہزار رنز مکمل کرنے والے تیز ترین ایشین بیٹر بن گئے ہیں۔ فخر زمان نے 67 اننگز میں یہ سنگ میل عبور کیا ہے۔اس کے علاوہ فخر زمان 3 ہزار رنز بنانے والے دنیا کے مشترکہ دوسرے تیز ترین پلیئر بھی ہوگئے۔ ویسٹ انڈیز کے شائے ہوپ نے بھی 67 اننگز میں تین ہزار رنز مکمل کیے تھے۔فخر زمان نے 144 گیندوں پر 180 بنائے اور ناٹ آؤٹ رہے