پرویز الٰہی کی گرفتاری کے لیے پولیس کا چھاپہ

تحریک انصاف کے صدر چوہدری پرویز الٰہی کی گرفتاری کے لیے لاہور میں بڑی تعداد میں پولیس اہل کار سابق وزیر اعلیٰ پنجاب پرویز الٰہی کے گھر کے باہر پہنچ گئےپرویز الٰہی کے گھر کے باہر کی سڑک چودھری ظہور الہٰی روڈ کو بھی پولیس نے بند کر دیا ہے۔پرویز الٰہی کے وکیل کا کہنا ہے کہ پولیس اہل کار پرویز الٰہی کو گرفتار کرنا چاہتے ہیں، اس مقدمے میں پرویز الٰہی کی ضمانت ہو چکی ہے۔دوسری جانب محکمہ اینٹی کرپشن حکام کا کہنا ہے کہ اگر ضمانت ہو چکی ہے تو ہمیں عدالت کا آرڈر دکھایا جائے۔پرویزالٰہی کے وکیل عامر سعید راں نے میڈیا سے گفتگو کرتے ہوئے کہا ہے کہ جسٹس طارق سلیم شیخ نے 6 مئی تک ضمانت قبل از گرفتاری دی،ہائی کورٹ کا تصدیق شدہ آرڈر ہمیشہ اگلے دن ملتا ہے، ہم نے ان کی کورٹ کے اہلکار سے بات بھی کروا دی۔اس سے پہلے پرویز الٰہی کے گھر سے پولیس پر پتھراؤ بھی کیا گیا اورگھر سے پولیس اہلکاروں پر پانی بھی پھینکا گیا