سوات : سی ٹی ڈی تھانے میں 2 خودکش دھماکے، 10 اہلکار شہید

سوات کے علاقے کبل میں سی ٹی ڈی تھانے کے اندر دوخودکش حملے کئے گئے ہیں ان حملوں میں ابتدائی اطلاعات کے مطابق 10 اہلکار شہید جبکہ متعدد زخمی ہوگئے ہیں، ڈی آئی جی سی ٹی ڈی نے خود کش حملے کی تصدیق کی ہے، حملے کے فوری بعد قانون نافذ کرنے والے اداروں کے اہلکار موقع پر پہنچ گئے اور علاقے کو گھیرے میں لے کر سرچ آپریشن شروع کردیا، پولیس حکام کے مطابق دھماکوں سے تھانے کی عمارت بیٹھ گئی ہے، ریسکیو ٹیموں کی، جائے وقوعہ پر امدادی کارروائیاں جاری ہیں، بتایا گیا ہے کہ 20سے زائد افراد زخمی ہوگئے ہیں، زخمیوں کو سیدو شریف ہسپتال میں طبی امداد کے لئے پہنچایا جارہا ہے