خیبرپختونخوا کے بعد پنجاب حکومت کا بھی آٹا تقسیم مراکز بند رکھنے کا فیصلہ

پنجاب حکومت نے جمعہ کو مفت آٹا تقسیم مراکز بند رکھنے کا فیصلہ کر لیا۔نگران وزیر اعلیٰ پنجاب محسن نقوی نے کہا ہے کہ آئندہ ہر جمعہ کو پنجاب کے آٹا ڈسٹری بیوشن سینٹرز بند رہیں گے۔نگران وزیراعلیٰ محسن نقوی نے انتظامیہ کو آٹے کی تقسیم کے عمل کو مزید بہتر طریقے سے جاری رکھنے کی ہدایت کرتے ہوئے کہا کہ سینٹرز پر شہریوں کی سہولت کے لیے تمام ضروری اقدامات کیے جائیں، انہوں نے کہا کہ مفت آٹا سینٹر پر بدنظمی اور دھکم پیل کسی صورت برداشت نہیں کی جائے گی جبکہ سینٹرز پر اضافی پولیس نفری تعینات کر کے آٹے کی تقسیم کے عمل کو مزید بہتر بنایا جائے۔، اس سے قبل خیبرپختونخوا حکومت کی جانب سے بھی دھکم پیل کے واقعات کے بعد مفت آٹا پوائنٹ بند کر دئیے تھے