سعودی فرمانروا شاہ سلمان نے ایرانی صدر رئیسی کو دورہ سعودی عرب کی دعوت دے دی

سعودی عرب کے فرمانروا شاہ سلمان نے ایرانی صدر ابراہیم رئیسی کو سعودی عرب کے دورے کی دعوت دے دی۔ سعودی فرمانروا شاہ سلمان نے ایرانی صدر ابراہیم رئیسی کے نام خط لکھا ہے اور دونوں ممالک کے تعلقات کی بحالی کا خیرمقدم کیا اور مضبوط اقتصادی تعاون پرزوردیا۔ایرانی صدر رئیسی نے سعودی فرمانرواکی دعوت کا خیرمقدم کیا اور سعودی عرب سے تعاون بڑھانے کا ارادہ ظاہر کیا۔یہ بات قابل ذکر ہے کہ چین نےسعودی عرب اور ایران کے درمیان سفارتی تعلقات کی بحالی کیلئے اہم معاہدہ کروا یا تھا،سعودی عرب اور ایران نے2 ماہ کے دوران اپنے ملکوں میں سفارتخانے اور قونصل خانے دوبارہ کھولنے کا فیصلہ کیا تھا ۔