شاندار کیریئر کااختتام،اظہر علی کے اعزاز میں نیشنل سٹیڈیم میں تقریب

اپنے کیریئر کا آخری میچ کھیلنے والے اظہر علی کے اعزاز میں کراچی کے نیشنل سٹیڈیم میں تقریب سجائی گئی جس میں پاکستان کرکٹ بورڈ (پی سی بی) کے چیئرمین رمیز راجا نے بھی شرکت کی۔پاکستان اور انگلینڈ کے درمیان کھیلے جا رہے سیریز کے آخری ٹیسٹ میچ میں کھانے کے وقفے کے دوران ہونے والی تقریب میں رمیز راجا نے اظہر علی کو سونیئر پیش کیا۔

اس موقع رمیز راجا کا کہنا تھا کہ اظہر علی پاکستان کے اصل ہیرو رہے ہیں، ان کی خدمات پر مشکور ہوں جبکہ اظہر علی نے کہا کہ تمام ساتھی میرے ساتھ بھائیوں کے طرح کھیلے۔اس موقع پر اظہر علی کی فیملی بھی کراچی نیشنل سٹیڈیم میں موجود تھی۔اپنے کیریئر کا آخری میچ کھیلنے والے اظہر علی کراچی ٹیسٹ میچ کی پہلی اننگز میں 45 رنز بنا کر آؤٹ ہوئے ہیں۔