یہودی آبادکاروں کا اسرائیلی فوج کی حفاظت میں حضرت یوسف علیہ السلام کے مزار میں رقص

اسرائیلی فوج کی حفاظت میں یہودی آبادکاروں نے حضرت یوسفؑ کے مزار میں زبردستی داخل ہو کر وہاں رقص و جشن منایا۔عینی شاہدین کے مطابق درجنوں فوجی گاڑیاں نابلُس کے مشرقی علاقے میں داخل ہوئیں، جس کے بعد آبادکاروں نے مزار کے احاطے میں مذہبی رسومات ادا کیں۔فلسطینی ذرائع کے مطابق اس دوران علاقے میں کرفیو جیسی صورتحال پیدا ہو گئی، جبکہ کئی مقامی شہریوں کو مزار کے قریب جانے سے روک دیا گیا۔یہ اقدام فلسطینیوں کے جذبات مجروح کرنے اور مذہبی مقامات کی بے حرمتی کے مترادف قرار دیا جا رہا ہے۔