چین سے قرضے کی راہ میں حائل رکاوٹیں دور کرنے کیلئے کوششیں تیز

حکومت نے چین سے قرض ملنے کی راہ میں حائل رکاوٹیں دور کرنے کیلئے کوششیں تیز کردی ہیں۔وزارت خزانہ کے ذرائع نے بتایا کہ پاکستان چین سے 60 کروڑ ڈالرکے رعایتی قرضے کا خواہاں ہے۔ذرائع کے مطابق چینی بینکوں کی زیرِ التوا ادائیگیوں کی اقساط پر شرائط عائد ہیں جبکہ وزارت خزانہ 60 کروڑ ڈالر کا قرضہ غیر مشروط چاہتی ہے۔پاکستان جولائی سے قرض کیلئے مشاورت میں مصروف ہے، زیرالتوا منظوریوں کے ساتھ مالیاتی انتظام کو تاحال حتمی شکل نہیں دی جاسکی ہے۔