الیکشن کمیشن نےوفاق سے فنڈز اورسیکیورٹی مانگ لی، اگلےچند روز میں الیکشن شیڈول جاری ہونے کا امکان

صدر مملکت عارف علوی کی جانب سے سے انتخابات کی تاریخ دینے کے بعد سےالیکشن کمیشن آف پاکستان نےپنجاب اور خیبر پختونخوا میں عام انتخابات کی تیاریاں تیز کر دی ہیں اور انتخابی شیڈول کی تیاری بھی شروع کر دی ہے، بتایا گیا ہے کہ الیکشن کمیشن کا پیر یا منگل کے روز شیڈول جاری کرنے کا قوی امکان ہے۔الیکشن کمیشن نے ڈی آر اوز اور آر اوز عدلیہ سے نہ لینے اور پنجاب کے انتخابات کے لیے رجسٹرار لاہور ہائی کورٹ کو مزید خط نہ لکھنے کا فیصلہ کیا ہے، الیکشن کمیشن نے صوبائی الیکشن کمشنر سے ڈی آر اوز اور آر اوز کی فہرست مانگ لی ہے، صوبائی الیکشن کمیشن آج فہرست الیکشن کمیشن کو بھجوائے گا، آئندہ ہفتے افسران کی ٹریننگ کا آغاز کیا جائے گا۔