پاکستان کے ایٹمی پروگرام بارے امریکی صدر اپنا بیان واپس لے، پاکستان تحریک انصاف

پاکستان تحریکِ انصاف کے رہنما فواد چوہدری نے امریکی صدر جو بائیڈن کے پاکستان کے ایٹمی پروگرام بارے دیے گئے بیان پر ردِ عمل دیتے ہوئے کہا ہے کہ چند دن پہلے سعودی عرب کے بارے میں ہرزہ رسائی اور اب پاکستان پر غیر ذمہ دارانہ بیان سے یوں لگتا ہے صدر بائیڈن امریکی عوام میں گرتی ہوئی ساکھ سے توجہ ہٹانا چاہتا ہے۔

فواد چوہدری نےاپنے ٹویٹر اکاؤنٹ پر ٹوئٹ میں مزید لکھا ہے کہ امریکی صدر بائیڈن پاکستان کے بارے میں غیر ذمہ دارانہ بیانات فوراً واپس لے، ہماری موجودہ لیڈر شپ کمزور ہوسکتی ہے لیکن عوام کمزور نہیں۔وی یاد رہے کہ امریکی صدر جوزف جو بائیڈن نے پاکستان کے جوہری پروگرام کو بے قاعدہ قرار دے دیا ہےامریکی صدر جو بائیڈن نے ڈیموکریٹک کانگریشنل کمپین کمیٹی میں خطاب کے دوران روس اور چین کا حوالہ دیتے ہوئے پاکستان کو لپیٹ میں لے لیا۔امریکی صدر نے پاکستان پر الزام لگاتے ہوئے کہا ہے کہ پاکستان کا ایٹمی پروگرام بے قاعدہ ہے۔امریکی صدر نے مزید کہا کہ میراخیال ہے کہ پاکستان خطرناک ترین ممالک میں سےایک ہے