فیفا فٹبال ورلڈکپ: ایران کااپنےپرچم سے” اللّہ” کا نام ہٹانے پر فیفا سےشدید احتجاج

ایرانی فٹبال فیڈریشن نے اپنے قومی پرچم سے اللّہ کا نام ہٹانے پر فیفا سے شدید احتجاج کیا ہے۔ ایران فٹبال فیڈریشن نے ورلڈکپ میں امریکا اور ایران کے میچ سے قبل فیفا سے امریکی فٹبال فیڈریشن کے خلاف شکایت کی ہے جس میں ایران فٹبال فیڈریشن کا کہنا ہےکہ امریکی فٹبال فیڈریشن نے ایک سوشل میڈیا پوسٹ میں ایران کے جھنڈے سے ’اللہ‘ کا نام ہٹایا ہے۔ایرانی فٹبال فیڈریشن نے کہا کہ امریکی فیڈریشن کا یہ عمل انتہائی غیر پیشہ ورانہ ہے۔اس سلسلے میں ایرانی فٹبال فیڈریشن نے فیفا کو بذریعہ ای میل آگاہ کیا اور اپنا احتجاج ریکارڈ کراتے ہوئے سنجیدہ نوٹس لینے کا مطالبہ کیا۔دوسری جانب امریکی فٹبال فیڈریشن کا کہنا ہےکہ اس کی جانب سے یہ عمل ایران میں انسانی حقوق کے لیے لڑنے والی خواتین سے اظہار یکجہتی کے لیے کیا گیا ہے۔واضح رہے کہ ایران اور امریکا کے درمیان 1980 سے سفارتی تعلقات منقطع ہیں، دونوں ٹیموں کے درمیان فٹبال ورلڈکپ کا میچ 29 نومبر کو کھیلا جائے گاواضح رہے کہ گزشتہ روز امریکہ کی مردوں کی فٹ بال ٹیم نے اپنے ٹوئٹر اکاؤنٹ پر اسلامی جمہوریہ کے مخصوص نشان کے بغیر ایران کا قومی پرچم دکھایا ہے۔اتوار کو امریکہ کی مینز فٹ بال ٹیم کے ٹوئٹر اکاؤنٹ پر ورلڈ کپ کے گروپ مرحلے کے میچوں کے شیڈول کا ایک بینر آویزاں کیا گیا جس میں ایرانی پرچم صرف سبز، سفید اور سرخ رنگوں پر مشتمل تھا۔