شہزادہ محمد بن سلمان فیفا ورلڈ کپ کی افتتاحی تقریب کے لیے قطر پہنچ گئے

سعودی عرب کے وزیر اعظم اور ولی عہد اور وزیراعظم شہزادہ محمد بن سلمان فیفا ورلڈ کپ 2022 کی افتتاحی تقریب میں شرکت کے لیے قطر پہنچ گئے ہیں۔سعودی پریس ایجنسی (ایس پی اے) کے مطابق قطر کے امیر شیخ تمیم بن حمد الثانی نے سعودی ولی عہد کو تاریخی تقریب میں شرکت کا دعوت نامہ بھیجا تھا۔قطر میں ہونے والے ورلڈ کپ میں حصہ لینے والے ممالک میں سعودی عرب بھی شامل ہے جسے گروپ سی میں ارجنٹائن، میکسیکو اور پولینڈ کے ساتھ رکھا گیا ہے۔یہ سعودی ولی عہد شہزادہ محمد بن سلمان کا رواں ماہ چوتھا غیر ملکی دورہ ہے۔ اس سے قبل وہ 15 نومبر کو انڈونیشیا میں دنیا کی 20 بڑی معیشتوں کے جی 20 اجلاس میں شرکت کے لیے بالی پہنچے تھے۔اس کے بعد ولی عہد جنوبی کوریا کے حکام اور کاروباری رہنماؤں سے ملاقاتوں کے سلسلے میں سیئول پہنچے تھے۔اس کے بعد انہوں نے تھائی لینڈ کا سرکاری دورہ کیا جہاں انہوں نے ایشیا پیسیفک اکنامک کوآپریشن (APEC) سربراہی اجلاس میں شرکت کی اور کئی ایشیائی سربراہان سے ملاقاتیں بھی کیںسعودی ولی عہد کے وفد میں کابینہ کے اہم عہدیدار اور کئی سینیئر عہدیدار شامل ہیں۔فیفا ورلڈ کپ 2022 کی افتتاحی تقریب اور ٹورنامنٹ کا پہلا میچ قطر کے شہر الخور کے البیت سٹیڈیم میں ہوں گے۔ پہلا میچ میزبان ملک قطر اور ایکواڈور کے درمیان کھیلا جائے گا۔