روسی ہیکرز کےسائبر حملے: کئی امریکی ایئر پورٹس کی ویب سائٹس متاثر

اسینئر امریکی عہدیدار نے انکشاف کیا کہ پیر کے روز بعض بڑے امریکی ایئرپورٹس کو سائبر حملوں سے نشانہ بنایا گیا۔آویئر انٹرنیشنل کو ذرائع نے بتایا کہ یہ حملے روس کے اندر سے ایک حملہ آور نے کئے ہیں۔خوش قسمتی سے ایئرپورٹس کے جس سسٹم کو نشانہ بنایا گیا وہ ہوائی ٹریفک کنٹرول، ایئر لائنز کمیونیکیشن اینڈ کوآرڈینیشن یا ٹرانسپورٹیشن سے وابستہ نہیں تھا۔ لہذا یہ سب امور احسن طور پر چلتے رہے۔

تاہم، ان حملوں کی وجہ سے مسافروں کی ایئرپورٹس کی ویب سائٹس تک رسائی رک گئی۔ جس سے ایئرپورٹس پر ہجوم بڑھ گیا اور مسافروں کو انتظار کی زیادہ مشقت برداشت کرنا پڑی۔سب سے پہلے پیر کی صبح 3 بجے کے قریب ہوائی اڈوں سے سائبر اٹیکس کی اطلاعات موصول ہونا شروع ہوئیں۔ سائبر سکیورٹی اینڈ انفراسٹرکچر سکیورٹی ایجنسی نے اطلاع دی کہ ’’ لاگارڈیا‘‘ ایئررپورٹ کے نظام کو نشانہ بنایا گیا ہے تاہم سسٹم کو بحال کردیا گیا ہے۔پیر کی صبح ڈیس موئنز انٹرنیشنل ایئرپورٹ، لاس اینجلس انٹرنیشنل ایئرپورٹ اور شکاگو انٹرنیشنل ایئرپورٹ کی ویب سائٹس بھی متاثر ہوگئیں۔

ہارٹس فیلڈ۔جیکسن اٹلانٹا انٹرنیشنل ایئرپورٹ نے صبح ساڑھے 10 بجے اطلاع دی کہ ویب سائٹ پر حملہ کیا گیا تھا اور اب وہ دوبارہ کام کر رہی ہے۔ مزید یہ کہ ایئرپورٹ پر جاری آپریشن متاثر نہیں ہوا۔پروگرامرز اور انجینئرز ان خامیوں کو ختم کرنے پر کام کررہے ہیں جن کے ذریعے ہیکرز ان ویب سائٹس کو ہیک کرنے میں کامیاب ہوتے ہیں۔

خیال رہے ان دنوں یوکرین جنگ کے باعث روس اور امریکہ میں کشیدگی بڑھ رہی ہے ۔ اس تناظر میں ایسے سائبر اٹیکس مزید اہمیت اختیار کر جاتے ہیں