ایرانی صدر ابراہیم رئیسی اور انکے ساتھیوں کی نماز جنازہ ادا، لاکھوں افراد کی شرکت

ہیلی کاپٹر حادثے میں جاں بحق ہونے والے ایران کے صدر ابراہیم رئیسی اور دیگر کی نماز جنازہ ادا کر دی گئی۔ایران کے سپریم لیڈر آیت اللہ خامنہ ای نے تہران میں ایرانی صدر ابراہیم رئیسی، وزیر خارجہ حسین امیر عبداللہیان اور دیگر کی نماز جنازہ ہ پڑھائی

Supreme Leader of the Islamic Revolution Ayatollah Seyyed Ali Khamenei says prayers over the bodies of the late president and his entourage at the University of Tehran.#awre_international#EbrahimRaisí#IranNews#iran pic.twitter.com/I74r6sEw9A

— Aware International (@aware_official1) May 22, 2024

جس میں لاکھوں کی تعداد میں افراد نے شرکت کی۔ایرانی میڈیا کے مطابق ابراہیم رئیسی کو مشہد میں امام علی رضا علیہ السلام کے روضے کے احاطے میں سپردخاک کیا جائے گا۔یاد رہے کہ گزشتہ روز ایران کے شہر قم میں بھی ایرانی صدر ابراہیم رئیسی اور ان کے ساتھیوں کی نماز جنازہ ادا کی گئی تھی۔واضح رہے کہ ایرانی صدر ابراہیم رئیسی کے ہیلی کاپٹر حادثے میں جاں بحق ہونے کے بعد نائب صدر محمد مخبر نے صدارتی ذمے داریاں سنبھال لی ہیں، ایران میں باقاعدہ صدارتی انتخاب 28 جون کو ہوگا۔