وزیر اعظم صدر ابراہیم رئیسی کی نماز جنازہ میں شرکت کیلئے ایران جائیں گے

وزیر اعظم شہباز شریف کل ایران جائیں گے۔ اسلام آباد سے ذرائع کے مطابق وزیر اعظم شہباز شریف ایرانی صدر ابراہیم رئیسی کی نماز جنازہ میں شرکت کریں گے۔ ذرائع کے مطابق وزیر اعظم شہباز شریف ایرانی صدر کی نماز جنازہ میں شرکت کے بعد متحدہ عرب امارات روانہ ہوں گے، یاد رہے کہ ایرانی صدر ابراہیم رئیسی کا جسد خاکی تبریز سے تہران پہنچا دیا گیا۔ آویئرانٹرنیشنل کے مطابق ایرانی صدر کے ساتھ جاں بحق دیگر رفقا کے جسد خاکی بھی تہران پہنچائے گئے۔ ایرانی صدر اور ساتھیوں کی آخری رسومات آج صبح تبریز میں ادا کی گئیں۔ ایرانی صدر اور ساتھیوں کی آخری رسومات کی ادائیگی قُم شہر میں بھی ہوگی۔ ایرانی صدر اور ساتھیوں کی نماز جنازہ کل سپریم لیڈر آیت اللّٰہ خامنہ ای پڑھائیں گے۔ ایرانی میڈیا کے مطابق ایرانی صدرکی تدفین جمعہ کو مشہد میں امام رضا کے روضے کے احاطے میں کی جائے