ایچی سن کالج کے مستعفی پرنسپل کو استعفیٰ واپس لینے پرآمادہ کرلیا گیا

گورنر پنجاب سے اختلافات کی بناء پر ایچی سن کالج لاہور کے مستعفی ہونے والئے پرنسپل کو استعفیٰ واپس لینے پر آمادہ کرلیا گیا۔ایچی سن کالج کے پرنسپل مائیکل اے تھامسن نے گورنر پنجاب سے اختلافات کی بنا پر عہدے سے استعفیٰ دیا تھا۔ذرائع کا کہنا ہے کہ گزشتہ روز کالج کے بورڈ آف گورنرزکا ہنگامی اجلاس ہوا جس میں ایچی سن کے مستعفی ہونے والے پرنسپل مائیکل اے تھامسن بورڈ آف گورنرزکےاجلاس میں موجود تھے۔حکومتی اراکین کی جانب سے اُن سے استعفی واپس لینےکی استدعا کی گئی اور امکان ظاہرکیاجارہا ہے کہ مائیکل اے تھامسن کو استعفیٰ واپس لینے پر قائل کرلیا گیا ہے۔ذرائع کا کہنا ہے کہ بورڈزآف گورنرزکے بیشترارکان نے اجلاس میں فیس معافی کےمطالبہ کی مذمت کی۔بورڈ آف گورنرز کے کچھ ارکان نے اسے گورنر پنجاب کا اختیار قراردیا۔