پاک ایران کشیدگی : قومی سلامتی کمیٹی اور کابینہ اجلاس آج ہوں گے

پاکستان اور ایران کے درمیان کشیدگی کے معاملے پر قومی سلامتی کمیٹی کا اجلاس نگراں وزیراعظم انوار الحق کاکڑ کی زیر صدارت آج ہوگا۔اجلاس میں حالیہ پاک ایران کشیدہ صورتحال کو زیر غور لایا جائے گا ۔اجلاس میں چیئرمین جوائنٹ چیفس آف سٹاف کمیٹی،آرمی چیف، نیول اور پاک فضائیہ کے چیف شریک ہوں گے جبکہ اجلاس میں خفیہ اداروں کے حکام بھی شریک ہوں گے۔ذرائع کا کہنا ہے کہ قومی سلامتی کمیٹی کے اجلاس میں امن و امان کی صورتِ حال پر فیصلے کیے جائیں گے۔۔علاوہ ازیں پاکستان اور ایران کے درمیان جاری کشیدگی کے معاملے پر نگراں وزیرِ اعظم نے آج دوپہر 2 بجے کابینہ کا اجلاس بھی طلب کیا ہے۔ذرائع کے مطابق قومی سلامتی کمیٹی کے اجلاس سے پہلے وفاقی کابینہ کا اجلاس ہوگاکابینہ اجلاس میں موجودہ ملکی سیکیورٹی کی صورتِ حال اور پاک ایران کشیدگی پر شرکاء کو بریفنگ دی جائے گی ، اور آئندہ کے لائحہ عمل پر بھی غور کیا جائے گا۔واضح رہے کہ نگراں وزیراعظم انوارالحق کاکڑ گزشتہ رات ڈیوس سے پاکستان پہنچے ہیں