مقبوضہ کشمیر میں بس کھائی میں گرنےسے 30 افراد جاں بحق، متعدد زخمی

مقبوضہ کشمیرمیں بس کھائی میں جاگری جس کے نتیجے میں 30 افراد جاں بحق ہوگئے۔بھارتی میڈیا رپورٹس کے مطابق مقبوضہ کشمیر کے ڈوڈہ میں ایک مسافر بس دریائے چناب کی کھائی میں گر گئی جس کے نتیجے میں کم از کم 30 افراد جاں بحق اور درجنوں زخمی ہوئے ہیں۔مقامی اطلاعات کے مطابق یہ گاڑی پونچھ سیکٹر سے پونچھ کے بانڈی چیچیاں گاؤں جا رہی تھی جب یہ حادثہ پیش آیا۔حادثہ سڑک کے کریش بار سے ٹکرانے کے باعث پیش آیا اور بس پہاڑ سے تقریباً ٓ800 فٹ نیچے کی جانب گر کر چکنا چور ہوگئی۔کچھ مسافروں کی حالت نازک بتائی جا رہی ہے جب کہ حادثے میں زخمی ہونے والے افراد کو طبی امداد فراہم کرنے کے لئے اسپتال منتقل کردیا گیا ہے۔