امریکی ڈالر انٹربینک میں سستا اوپن مارکیٹ میں مہنگا ہوگیا

انٹر بینک میں سستا ہونے کے باوجود اوپن مارکیٹ میں روپے لے مقابلے ڈالر کی قیمت میں اضافہ ہوا ہے۔کاروباری ہفتے کے درمیانی روز ملکی تبادلہ مارکیٹوں میں ڈالر 7 پیسے ہوکر 287 روپے 80 پیسے آگیا ہے۔واضح رہے کہ گزشتہ روز انٹر بینک میں ڈالر کی قیمت 22 پیسے اضافے سے 287 روپے 87 پیسے ریکارڈ کی گئی تھیکرنسی ڈیلرز کے مطابق دن کے دوران اوپن مارکیٹ میں 50 پیسے مہنگا ہو کر ڈالر کی 289 روپے 50 پیسے اور امریکی کرنسی کی قیمت فروخت 286 روپے 50 پیسے ہے۔ایکسچینج کمپنیز ایسوسی ایشن آف پاکستان (ای سی اے پی) کے اعداد و شمار کے مطابق منگل کو کاروبار کے اختتام پر ڈالر کی قیمت خرید 289 اور قیمت فروخت 286 روپے پر بند ہوئی تھی۔بین الاقوامی مالیاتی فنڈ (آئی ایم ایف) کی جانب سے طے کردہ اسٹرکچرل بینچ مارک کے تحت انٹر بینک اور اوپن مارکیٹ میں فرق 1.25 فیصد سے کم ہونا ضروری ہے۔بین الاقوامی مالیاتی فنڈ (آئی ایم ایف) کی منیجنگ ڈائریکٹر کرسٹالینا جارجیوا نے ایک انٹرویو میں کہا کہ اسٹینڈ بائی ارینجمنٹ (ایس بی اے) کے پہلے جائزے پر رواں ہفتے پاکستان کے ساتھ معاہدہ ہونے کا امکان ہے۔