پشاور :25 سالہ خاتون کو غیرت کے نام پر شوہر اور سسر کے ہاتھوں پھانسی، ملزمان گرفتار

خیبرپختونخوا کے دارالحکومت پشاور میں 25 سالہ خاتون کو غیرت کے نام پر پھانسی دے دی گئی۔پولیس کے مطابق پشاور کے علاقے ابراہیم آباد میں مقتولہ کے شوہر اور سسر نے خاتون نورینہ کے گلے میں پھندا لگا کر قتل کیا اور پھر واردات کے بعد ملزمان نے خاتون کے والد اور بھائی کو لاش اٹھانے کے لیے بلایا، پولیس کا کہنا ہے کہ مقتولہ کی ایک سال قبل ملزم نوررحمان سے شادی ہوئی تھی، واردات میں ملوث دونوں ملزمان کو گرفتار کرکے تھانہ خزانہ میں مقدمہ درج کرلیا گیا ہے۔