روپے کے مقابلے میں امریکی ڈالر کی قیمت مزید بڑھ گئی

انٹر بینک میں امریکی ڈالر کی قدر میں مسلسل اضافے کا رجحان دیکھا جا رہا ہے۔کاروباری ہفتے کے دوسرے روز کی ابتداء میں 6 پیسے مہنگا ہو کر ملکی تبادلہ منڈیوں میں ڈالر کی خرید و فروخت 281 روپے ایک پیسے پر پہنچ گئی۔واضح رہے کہ گزشتہ روز انٹر بینک میں ڈالر کی قیمت 38 پیسے اضافے کے بعد 280 روپے 95 پیسے ریکارڈ کی گئی تھی۔دوسری جانب پاکستان اسٹاک ایکسچینج (پی ایس ایکس) میں کاروبار کے آغاز پر تیزی کا رجحان دیکھا جا رہا ہے۔پی ایس ایکس 100 انڈیکس 200 پوائنٹس اضافے کے بعد 51 ہزار 683 پہنچ گیا ہے جو کہ گزشتہ روز 51 ہزار 482 پر بند ہوا تھا۔