پیمرا نے آج اسلام آباد میں ریلیوں اور عوامی اجتماعات کی کوریج پر پابندی عائد کر دی

پاکستان الیکٹرانک میڈیا ریگولیٹری اتھارٹی (پیمرا) نے آج اسلام آباد میں تمام ریلیوں، عوامی اجتماعات کی لائیو اور ریکارڈڈ کوریج پر پابندی عائد کر دی۔پیمرا کی جانب سے ایک روز کے لیے پابندی کا نوٹیفکیشن جاری کر دیا گیا۔نوٹیفکیشن کے مطابق احتجاجی ریلی یا عوامی اجتماع کی لائیو یا ریکارڈڈ کوریج نہیں کی جاسکتی

کوریج پر پابندی امن و امان کی صورتحال کے پیش نظر عائد کی گئی ہے۔پیمرا کے نوٹیفکیشن میں کہا گیا ہے کہ سپریم کورٹ کے 2018 کے احکامات کی روشنی میں کوریج پر پابندی پیمرا آرڈیننس کے سیکشن 27 کے تحت لگائی گئی ہے۔چیئرمین تحریک انصاف عمران خان کی آج اسلام آباد ہائیکورٹ کے ساتھ جوڈیشل کمپلیکس میں بھی ممکنہ پیشی کا امکان ہے۔چیئرمین پی ٹی آئی عمران خان اسلام آباد کے لئے روانہ ہو گئے۔ عمران خان پانچ مقدمات میں عبوری ضمانت کے لئے عدالت میں پیش ہوں گے