پشاور بی آر ٹی منصوبے میں مبینہ کرپشن کیس: نیب، ایف آئی اے سے تحقیقات کا فیصلہ

پشاور بی آر ٹی منصوبے میں مبینہ کرپشن کا کیس خیبرپختونخوا کی نگراں حکومت نے ری اوپن کرنے کا فیصلہ کرلیا، نگراں صوبائی حکومت کی جانب سے نیب اور ایف آئی اے کو بی آر ٹی تحقیقات کا کہا جائے گا۔خیبرپختونخوا کی نگراں کابینہ کا اجلاس نگراں وزیراعلیٰ اعظم خان کی صدارت میں ہوا، نگراں وزیر ٹرانسپورٹ شاہد خٹک کے مطابق کابینہ اجلاس میں بی آر ٹی میں مبینہ کرپشن کا کیس ری اوپن کرنے کا فیصلہ کیا گیا ہے۔ نیب اور ایف آئی اے کو بی آر ٹی تحقیقات کا کہا جائے گا۔ ایم ٹی آئیز اور پالیسی بورڈ میں کرپشن کی شکایات تھیں جس پر کابینہ نے ایم ٹی آئیز اور پالیسی بورڈز ختم کرنے کا فیصلہ بھی کیا۔ نگراں وزیر کا کہنا تھا کہ سرکار سے ماہانہ معاوضہ لینے والے سوشل میِڈیا انفلواینسرز سے متعلق بھی اجلاس میں بات چیت ہوئی جو گھر سے بیٹھ کر پی ٹی آئی کے لیے مہم چلاتے ہیں۔شاہد خٹک کے مطابق اجلاس میں پشاور بیوٹیفکیشن پر 7 ارب روپے کہاں خرچ ہوئے یہ سوال بھی ہوا۔