مائیکل جیکسن کی استعمال شدہ میلی جرابیں لاکھوں میں فروخت

موسیقی کی دنیا کے بےتاج بادشاہ لیجنڈری گلوکار مائیکل جیکسن کی جرابیں 8 ہزار ڈالرز میں فروخت ہوگئیں۔غیر ملکی میڈیا رپورٹس کے مطابق فرانس میں نیلام ہونے والی جرابیں مائیکل جیکسن نے 1997 میں ورلڈ ٹور کے دوران کنسرٹ میں پہنی تھیں۔ سفید ایتھلیٹک جرابوں پر رائن اسٹونز (چمکدار پتھر) لگے ہوئے ہیں۔ان جرابوں کو لیجنڈری گلوکار کے مشہور گانے ’بیلی جین‘ کی ویڈیو میں بھی دیکھا جا سکتا ہے۔نیلام گھر کی نمائندہ آروئر الی کے مطابق مذکورہ کنسرٹ کے بعد مائیکل جیکسن کی جرابیں ان کے ڈریسنگ روم کے قریب ایک ٹیکنیشن کو ملی تھیں۔ ان جرابوں کو 28 سال تک ایک فریم میں محفوظ رکھا گیا تھا۔تاہم اب نیلامی کے اشتہار میں شائع شدہ تازہ تصویر میں ان جرابوں پر دھبوں کے نشانات واضح ہیں، جبکہ چمکدار پتھر بھی زرد پڑ چکے ہیں۔میڈیا رپورٹس کے مطابق اس کے باجود ابتداً ان جرابوں کی قیمت 3 ہزار سے 4 ہزار یورو (تقریباً 3 ہزار 4 سو سے 4 ہزار 5 سو امریکی ڈالرز) لگائی گئی تھی مگر یہ 7 ہزار 688 یورو (تقریباً 8 ہزار 822 امریکی ڈالرز) میں فروخت ہوئی