ایک اور اعلیٰ سطحی روسی وفد کل پاکستان پہنچے گا

ماسکو اور اسلام آباد کے درمیان بتدریج تیزی سے بڑھتے ہوئے رابطوں اور روس کے تعلقات میں بہتری کے بعد وزیر توانائی کی قیادت میں روس کے ایک وفد نے حال ہی میں پاکستان کا دورہ کیا تھا۔ اب ایک اور اعلی سطحی وفد منگل کو پاکستان کے دورے پر اسلام آباد آ ر ہا ہے جس کی قیادت افغانستان کے لیے روس کے خصوصی نمائندےضمیر کابلوف کریں گے، اپنی مصروفیات کے دوران منگل کو یہ وفد ضمیر کابلو ف کی سربراہی میں پاکستان کی خارجہ امور کی وزیر مملکت حنا ربانی کھر اور وفاقی سیکرٹری خارجہ اسد مجید خان سمیت دیگر اعلی حکام رابطے اور مشاورت کریں گے ۔ اس موقع پر پاکستان کی معاشی صورتحال اور افغانستان میں انسانی صورتحال بہتر بنانے کے امور بھی موضوع بحث ہو ں گے۔ یاد رہے کہ ضمیر کابلوف نے گذشتہ ہفتے بھی پاکستان کا دورہ کیا تھا ۔