امریکی شہر ڈیلس میں وفاقی امیگریشن دفتر میں فائرنگ، حملہ آور سمیت متعدد افراد ہلاک

امریکی شہر ڈیلس میں وفاقی امیگریشن کے دفتر میں فائرنگ کے واقعے میں متعدد افراد ہلاک اور زخمی ہو گئے۔غیر ملکی خبر ایجنسی کے مطابق حملہ آور نے نزدیکی عمارت کی چھت سے فائرنگ کی اور بعد میں گولی مار کر خودکشی کر لی۔سیکریٹری امریکی محکمۂ ہوم لینڈ سیکیورٹی کرسٹی نوم نے فائرنگ کے واقعے کی تصدیق کی ہے۔کرسٹی نوم کا کہنا ہے کہ امیگریشن دفتر میں فائرنگ سے کئی افراد زخمی ہوئے ہیں جبکہ حملہ آور مارا گیا ہے۔امریکی نائب صدر جے ڈی وینس نے فائرنگ کے واقعے پر افسوس کا اظہار کیا اور کہا کہ قانون نافذ کرنے والوں خصوصاً امیگریشن دفاتر پر جنونی حملے رُکنے چاہئیں