چھ دہائیوں بعد امریکی خفیہ کارروائی منظرِ عام پر آگئی

تقریباً 60 سال بعد کولڈ وار کے دور کی امریکی خفیہ کارروائی منظرِ عام پر آگئی۔امریکی اخبار کے مطابق سی آئی اے نے 1965 میں بھارتی کوہ پیماؤں کے ساتھ مل کر ’نندا دیوی‘ کی چوٹی پر چین کے ایٹمی پروگرام کی نگرانی کے لیے پلوٹونیم سے چلنے والا جاسوسی آلہ نصب کرنے کی کوشش کی۔امریکی اخبار کے مطابق برفانی طوفان کے باعث سی آئی اے کو مشن ادھورا چھوڑنا پڑا، اگلے سال جب ٹیم واپس پہنچی تو آلہ برفانی تودے میں کہیں دفن ہوچکا تھا، جو آج تک نہ مل سکا1978 میں سی آئی اے کے خفیہ طور پر بھارتی سرزمین پر کارروائی کا انکشاف بھارت میں شدید عوامی غم و غصے کا باعث بنا تھا۔آج بھی بھارتی سیاستدان اور ماحولیاتی کارکن مطالبہ کر رہے ہیں کہ نندا دیوی کے نیچے دفن ایٹمی ڈیوائس کو تلاش کر کے محفوظ طریقے سے ہٹایا جائے، جو کہ ماحولیاتی اور سیکیورٹی کے لیے خطرے کا باعث ہے