چودھری شجاعت حسین نے پرویز الہٰی کو ق لیگ سے نکال دیا

مسلم لیگ (ق) کے سربراہ چودھری شجاعت حسین نے چودھری پرویز الہٰی کے پارٹی کی بنیادی رکنیت ختم. کرتے ہوئے چودھری پرویز الہٰی کو پارٹی کی وجہ سے حاصل عہدوں سے منسلک نہ کرنے کی ہدایت کر دی ہے

بنیادی رکنیت ختم کرنے کے حوالے سے جاری نوٹس میں کہا گیا ہے کہ آپ کو 16 جنوری کو شوکاز نوٹس جاری کیا گیا جس کی کوئی وضاحت نہیں دی گئی، ضابطہ کی کھلی خلاف ورزی پر آپ کو پارٹی سے فارغ کیا جاتا ہے۔ یہ بات قابل ذکر ہے کہ اس سے قبل 26 جنوری 2023 کو پرویز الہٰی کی زیر صدارت مسلم لیگ (ق) کی مرکزی جنرل کونسل کے اجلاس میں چودھری شجاعت کو صدارت سے برطرف کرکے چودھری وجاہت حسین کو پارٹی کا نیا مرکزی صدر منتخب کیا گیا تھا۔طارق بشیر چیمہ کی جگہ کامل علی آغا کو جنرل سیکرٹری منتخب کیا گیا، 31 جنوری 2023 کو الیکشن کمیشن نے مسلم لیگ (ق) کی مرکزی جنرل کونسل اجلاس فیصلے کو مسترد کرتے ہوئے چودھری شجاعت حسین کو پارٹی کا صدر برقرار رکھنے کا فیصلہ جاری کیا تھا۔