پی سی بی نے شاہین آفریدی کو ون ڈے ٹیم کا کپتان بنا دیا

پاکستان کرکٹ بورڈ نے شاہین آفریدی کو ون ڈے ٹیم کا کپتان بنا دیا۔فاسٹ بولر شاہین آفریدی جنوبی افریقہ کے خلاف تین ون ڈے میچز میں قیادت کریں گےپی سی بی کا کہنا ہے کہ شاہین آفریدی کی تقرری کا فیصلہ اسلام آباد میں اجلاس میں کیا گیا، جس میں ہیڈ کوچ مائیک ہیسن، ڈائریکٹر ہائی پرفارمنس عاقب جاوید اور سلیکشن کمیٹی کے ارکان شریک ہوئے۔پاکستان اور جنوبی افریقہ کے درمیان ون ڈے سیریز 4 سے 8 نومبر تک فیصل آباد کے اقبال اسٹیڈیم میں کھیلی جائے گی۔25 سالہ لیفٹ آرم فاسٹ بولر نے 66 ایک روزہ اور 92 ٹی ٹوئنٹی میچز میں پاکستان کی نمائندگی کی ہے، جن میں انہوں نے مجموعی طور پر 249 وکٹیں حاصل کی32 ٹیسٹ میچز میں شاہین آفریدی نے 120 وکٹیں حاصل کی ہیں۔ راولپنڈی کرکٹ اسٹیڈیم میں جنوبی افریقہ کے خلاف جاری دوسرا ٹیسٹ ان میں شامل نہیں ہے۔شاہین اس سے قبل 2024 میں نیوزی لینڈ کے خلاف پانچ ٹی ٹوئنٹی میچوں میں پاکستان کی قیادت کر چکےہیں