پٹرولیم مصنوعات کی قیمتوں میں اضافہ، روزمرہ کی اشیاء کو پر لگ گئے

نگراں حکومت کی جانب سے پٹرولیم مصنوعات کی قیمتوں میں اضافے کے بعد روز مرہ کی اشیاء کی قیمتوں میں پہلے روز ہی اضافہ دیکھا جارہا ہے لوگوں کا کہنا ہے کہ کہ سیاست دان عوام سے صرف ووٹ لینے آتے ہیں انکی زندگیوں میں آسانیاں لانے کے لیے کچھ اقدامات نہیں کرتے، شہریوں کا کہنا ہے کہ نو منتخب حکومت سے بھی بہتری کی کوئی توقع نہیں ہے، واضح رہے کہ کہ گزشتہ رات نگراں حکومت نےپیٹرول کی قیمت میں 2 روپے 73 پیسے اضافہ کردیا ہے، جبکہ ہائی اسپیڈ ڈیزل 8 روپے 37 پیسے مہنگا کردیا گیا۔نگراں حکومت کی جانب سے پیٹرولیم مصنوعات کی قیمتوں میں ردوبدل کے بعد پیٹرول کی فی لیٹر قیمت 275.62 روپے ہوگئی، جبکہ ڈیزل کی فی لیٹر قیمت 287.33 روپے تک جاپہنچی ہے۔خیال رہے کہ ہائی اسپیڈ ڈیزل کی قیمتوں میں اضافہ عالمی سطح پر تیل کی قیمتوں میں اتار چڑھاؤ کی وجہ سے کیا گیا ہے۔