پاکستان میں پہلی بار مصنوعی بارش برسا دی گئی, لاہور کے 10 علاقوں میں بوندا باری

پاکستان میں پہلی مرتبہ مصنوعی بارش برسا دی گئی ہے جس کے نتیجے میں لاہور کے 10 علاقے تربتر ہوگئے۔مصنوعی بارش کا اعلان پنجاب کے نگراں وزیراعلیٰ محسن نقوی نے کیا۔ ان کا کہنا ہے کہ پاکستان میں پہلی مصنوعی بارش کردی گئی ہے۔لاہور مین میڈیا سے گفتگو کرتے ہوئے محسن نقوی نے کہا کہ پہلی فلائٹ میں 48 فلیئرز فائر کیے گئے، مصنوعی بارش کے لیے دوسری فلائٹ تھوڑی دیر میں ہوگی، فلیئرز شاہدرہ اور مرید کے کے قریب ہوئے۔انہوں نے کہا کہ لاہور کے تقریباً 10 علاقوں میں بارش ہوگئی، متحدہ عرب امارات (یو اے ای) کی ٹیم کے شکر گزار ہین جنہوں نے مصنوعی بارش کے لیے تمام معاملات دیکھے۔محسن نقوی کا کہنا تھا کہ یواےای کا خصوصی طیارہ آج سے 11،10 روز پہلے آچکا تھا، مجموعی طور پر یواے ای کے 2 جہاز آئے، ان کی پوری ٹیم یہاں موجود تھینگراں وزیراعلیٰ نے کہا کہ اب دیکھیں گے مصنوعی بارش کا کتنا اثر پڑتا ہے، البتہ لاہور کا ایئر کوالٹی انڈیکس یقینی طور پر نیچے جائے گا۔واضح رہے کہ نگراں حکومت پنجاب نے گزشتہ ماہ صوبے میں اسموگ کی بگڑتی صورتحال پر قابو پانے کے لئے مصنوعی بارش برسانے کا فیصلہ کیا تھا۔اطلاعات کے مطابق لاہور کے مختلف علاقوں میں ہلکی بارش ہوئی ہے۔ سوشل میڈیا پر شہریوں میں مصنوعی بارش کی ویڈیوز شیئر کی جن میں گاڑیوں کی ونڈاسکرینز اور چھتوں پر ہلکی بوندا باندی دکھائی دے رہی ہے