ٹی 20 ورلڈ کپ: پاکستان کا امریکا سے ٹاکرا آج ہوگا

ٹی ٹوئنٹی ورلڈ کپ میں پاکستان اپنا پہلا میچ آج امریکا کے خلاف کھیلےگا۔انجری کے باعث عماد وسیم امریکا کے خلاف میچ سے باہر ہوگئے، کپتان بابر اعظم کا کہنا ہے کہ ہدف صرف ورلڈ کپ جیتنا ہے، کوشش ہوگی کہ غلطیاں نہ دہرائیں۔امریکا کے خلاف میچ سے قبل ڈیلاس شہر میں سیکیورٹی کے سخت ترین انتظامات کیے گئے ہیں، جبکہ اسٹیڈیم پر سیکیورٹی کے لیے پولیس اہلکار تعینات کیے گئے ہیں۔کپتان بابر اعظم کا کہنا تھا کہ شاداب، عماد اور حارث کو یہاں کا تجربہ ہے۔ واضح رہے انجری کے باعث عماد وسیم میچ سے باہر ہو گئے ہیں۔دوسری جانب فاسٹ بالر محمد عامر کہتے ہیں کہ ہم ذہنی طور پر تیار ہیں، اچھی پُرفارمنس کےلیے پُرامید ہوں۔محمد عامر کا پریس کانفرنس میں کہنا تھا کہ ہمیں ہر میچ جیتنا ہے، غلطی کی گنجائش نہیں، شاداب خان اوراعظم خان کی صلاحیتوں پرکسی کوشک نہیں، دونوں یکطرفہ میچ جتوا سکتے ہیں۔