ٹیکس نہ دینے والوں کیخلاف گھیراتنگ:نان فائلرز800سی سی سے زائد گاڑیاں اور مخصوص حد سے زیادہ جائیداد نہیں خرید سکیں گے،بینک اکاؤنٹ اوپن نہیں ہوگا،قومی اسمبلی میں ترمیمی بل پیش

نان فائلرز اور ٹیکس نہ دینے والوں کیخلاف گھیرا تنگ کرنے کیلئے ٹیکس لا ترمیمی بل 2024 قومی اسمبلی میں پیش کر دیا گیا جبکہ نیشنل فرانزک ایجنسی بل 2024 منظور کرلیا گیا۔ ٹیکس لاترمیمی بل 2024کے متن میں کہاگیاکہ نان فائلرز پر8 سو سی سی سے زائد گاڑیاں خریدنے پر پابندی ہوگی، نان فائلرز مخصوص حد سے زیادہ جائیداد نہیں خرید سکیں گے ، نان فائلرز پر مخصوص حد سے زیادہ شیئرز کی خریداری پر بھی پابند ہوگی۔ نان فائلر بینک اکاؤنٹ اوپن نہیں کر سکیں گے ، نان فائلز ایک حد سے زیادہ بینکنگ ٹرانزیکشنز نہیں کرسکیں گے ، نان فائلرز کو موٹر سائیکل، رکشہ اور ٹریکٹر خریدنے کی اجازت ہوگی، غیر رجسٹرڈ کاروباری ا فراد کے بینک اکائونٹس منجمد کیے جائیں گے ۔ غیر رجسٹرڈ کاروباری افراد جائیداد ٹرانسفر نہیں کر سکیں گے ، غیر رجسٹرڈ افراد کی پراپرٹی اور کاروبار حکومت سیل کرنے کی مجاز ہوگی،ایف بی آر جن لوگوں کے نام کی لسٹ جاری کریگا انکے اکاؤنٹس فریز کیے جائیں گے ۔مجوزہ بل کے تحت پابندی کا اطلاق وفاقی حکومت کے نوٹیفکیشن کے بعد ہوگا، سیلز ٹیکس رجسٹریشن نہ کرانے پر بینک اکاؤنٹس منجمد کیے جائیں گے ، سیلز ٹیکس رجسٹریشن نہ کرانے پراپرٹی ٹرانسفر پر پابندی ہوگی، سیلز ٹیکس رجسٹریشن کے دو دن بعد ان فریز کر دئیے جائیں گے ۔ اکاؤنٹس ڈی فریز کرنے کیلئے چیف کمشنر کے پاس اپیل کرنا ہوگی، فائلرز کے والدین اور اولاد پچیس سال تک کی عمر کے بچے اور بیوی فائلرز تصور ہوں گے ۔