ٹکٹوں کی تقسیم پر پی ٹی آئی اور ن لیگ میں موروثی سیاست سامنے آگئی

مسلم لیگ ن نے 38،تحریک انصاف نے 33 ایسے امیدواروں کو ٹکٹ جاری کئے ہیں جو رشتے میں باپ بیٹا، باپ بیٹی، بھائی ، بہن بھائی ،بہنیں، ماموں بھانجا ، چچا بھتیجا، خالہ بھانجی، برادر نسبتی، کزن یا قریبی رشتہ دار ہیں ۔تحریک انصاف نے رحیم یار خان سے رئیس محبوب کو قومی اور انکے بیٹے رئیس حمزہ محبوب کوصوبائی ٹکٹ دی گئی ہے۔ملتان سے سابق ایم این اے مخدوم زین قریشی اور انکی بہن مہر بانو قریشی کو قومی اسمبلی ٹکٹ جاری کیا گیا ہے۔اٹک سے سابق ایم این اے میجر (ر) طاہر صادق، انکی بیٹی سابق ایم این اے ایمان وسیم دونوں کو قومی اسمبلی کا ٹکٹ دیا گیا ہے۔لودھراں سے سابق ایم این اے پیر اقبال شاہ کو قومی اور انکے بیٹے سابق ایم پی اے عامر اقبال شاہ کو صوبائی اسمبلی ٹکٹ دیا گیاہے۔وہاڑی سے سابق ایم این اے اورنگ زیب کچھی اور انکے بھائی سابق ایم پی اے جہان زیب کچھی کو قومی و صوبائی ٹکٹیں دی گئی ہیں۔راجن پور سے دو بھائیوں سابق ایم پی اے احمد علی دریشک اور عاطف علی دریشک کو قومی اسمبلی ٹکٹ جاری کئے گئے ہیں، انکے کزن سابق ایم پی اے اویس دریشک بھی صوبائی اسمبلی امیدوار ہوں گے۔وہاڑی سے دو بہنوں عائشہ نذیر جٹ اور عارفہ نذیر جٹ کو قومی و صوبائی ٹکٹ ملا ہے۔لاہور سے سابق ایم این اے کرامت کھوکھر اور انکے بھتیجے سابق ایم این اے ظہیر عباس کھوکھر قومی اسمبلی کے امیدوار ہوں گے۔ملتان سے سابق ایم این اے ملک عامر ڈوگر کو قومی اور انکے بھائی ملک عدنان ڈوگر کو صوبائی اسمبلی ٹکٹ دیا گیاہے