ورلڈکپ : قومی کرکٹ ٹیم کے بھارت جائے یا نہ جائے؟ اعلیٰ سطحی کمیٹی قائم

قومی کرکٹ ٹیم کے ورلڈ کپ میں شرکت کے لیے بھارت جانے کے معاملے پر وفاقی حکومت نے اعلیٰ سطحی کمیٹی قائم کردی ہے، ورلڈ کپ میں پاکستان اور بھارت کے درمیان میچ 15 اکتوبر کو احمد آباد میں شیڈول ہے، یہ کمیٹی ورلڈ کپ میں پاکستان کی شرکت سے متعلق فیصلہ کرے گی جس کے سربراہ وزیرِ خارجہ بلاول بھٹو زرداری ہوں گے۔اس کمیٹی میں وفاقی وزرا رانا ثنا اللہ، اعظم نذیر تارڑ، احسان مزاری، مریم اورنگزیب، اسعد محمود، امین الحق، قمر زمان کاٸرہ اور طارق فاطمی بھی شامل ہیں۔قومی سلامتی کے اداروں کے سربراہ اور سیکرٹری خارجہ بھی اعلیٰ سطحی کمیٹی میں شامل ہیں کمیٹی بھارت میں ورلڈ کپ سے متعلق تمام امور پر سفارشارت مرتب کرے گی جن کی روشنی میں ورلڈ کپ میں شرکت کا فیصلہ کیا جائے گا۔حتمی سفارشات منظوری کے لیے وزیراعظم کو بھجوائی جائیں گی۔واضح رہے کہ پاکستان کرکٹ بورڈ نے قومی ٹیم کی ورلڈ کپ میں شرکت حکومتی اجازت سےمشروط کر رکھی ہے۔