سینیٹ ،قومی اسمبلی قائمہ کمیٹی خزانہ نے پنجاب ،کےپی الیکشن کیلئے فنڈ دینےکا بل مسترد کردیا

قومی اسمبلی کی قائمہ کمیٹی برائے خزانہ اور سینٹ کی کمیٹی برائے خزانہ نے الگ الگ اجلاس میں پنجاب اور خیبر پختونخوا (کےپی) میں الیکشن کے لیے فنڈ دینےکا بل مسترد کردئیے ۔قومی اسمبلی کی قائمہ کمیٹی خزانہ کا اجلاس چیئرمین قیصر احمد شیخ کی زیر صدارت ہوا، اجلاس میں قائمہ کمیٹی خزانہ نے منی بل اتفاق رائے سے مسترد کر دیا۔وزیر مملکت خزانہ عائشہ غوث پاشا کا کہنا تھا کہ پاکستان آئی ایم ایف کے سخت پروگرام میں ہے، ہمیں فنڈ کی قلت اور بھاری خسارے کا سامنا ہے، ہمارے پاس مختص بجٹ کے علاوہ اضافی فنڈ دستیاب نہیں ہیں، اضافی فنڈ فراہم کیے تو یہ آئی ایم ایف پروگرام سے تجاوز ہوگا، آئی ایم ایف کے ساتھ طے شدہ خسارے تک محدود رہنا چاہتے ہیں۔علاوہ ازیں سینیٹ کی کمیٹی برائے خزانہ کے اجلاس میں بھی پنجاب، خیبرپختونخوا میں انتخابات کے لیے فنڈز جاری کرنے کے بل پر اجازت دینے سے انکار کر دیا ہے