عمران خان پرقاتلانہ حملہ:ابتدائی تحقیقات مکمل

گوجرانوالہ میں عمران خان کے کنٹینر پر فائرنگ کی پولیس اور دیگر سیکیورٹی اداروں نے ابتدائی تحقیقات مکمل کر لی ہے، فائرنگ کی جگہ سے 11 گولیوں کے خول ملے۔ 9خول پستول کی گولیوں اور دو بڑے اسلحے کی گولی کےخول ہیں۔ابتدائی تحقیقات کے مطابق پستول کی گولیاں نیچے سے اوپر کنٹینر کی طرف چلائی گئیں، جبکہ بڑے اسلحے والی گولیاں کنٹینر سے نیچے کی طرف چلائی گئیں۔واقعے میں جاں بحق ہوا نوجوان معظم ملزم کو پکڑنےکی کوشش کر رہا تھا، معظم کےسر میں گولی لگی، جس سے وہ موقع پر جاں بحق ہوا، واقعے میں 13 افراد زخمی ہوئے ،4 افراد گولیاں لگنے سے زخمی،باقی افراد کے زخموں کی نوعیت الگ ہے۔ پولیس کا کہنا ہے کہ فیصل جاوید گولیاں لگنے سے زخمی افراد میں شامل نہیں، ان کے چہرے پر معمولی زخم آیا ہے۔

واضح رہے کہ گزشتہ روز گوجرانوالہ میں لانگ مارچ کے دوران چیئرمین پی ٹی آئی کے کنٹینر پر فائرنگ سے ایک شخص جاں بحق جبکہ عمران خان اور فیصل جاوید سمیت 13 افراد زخمی ہوئے تھے۔پنجاب پولیس ‎عمران عمران خان پر قاتلانہ حملے کے حوالے سے مذید کام کر رہی ہے اور اسی وجہ سے اس واقعہ کا مقدمہ اب تک درج نہیں کیا جاسکتا، عمران خان وزیراعظم شہباز شریف سمیت تین ہائی پروفائل شخصیات پر مقدمہ درج کرانے کے لئے بضد ہیں جبکہ پولیس تاحال ایسا کرنے سے انکاری ہے