ضمنی انتخابات، عمران خان قومی اسمبلی کی 6 سیٹوں پرکامیاب، تحریک انصاف نے صوبے کی 2 نشستیں بھی جیت لیں

غیر حتمی اور غیر سرکاری نتیجے کے مطابق ضمنی انتخابات میں پاکستان تحریک انصاف نے6 نشستیں جیت لیں جبکہ پیپلزپارٹی ملتان اور ملیر کراچی میں بھی کامیاب قرار پائی ہے۔عمران خان نےچارسدہ،مردان اورپشاور کی نشست جیت لی اور اے این پی امیدوار غلام احمد بلور، ایمل ولی خان جبکہ جمعت علماء اسلام کے مولانا قاسم کو شکست دے دی۔

این اے 31 پشاور کے تمام 265 پولنگ اسٹیشنز کے غیرسرکاری و غیرحتمی نتیجے کے مطابق عمران خان 57 ہزار 824 ووٹ لے کر کامیاب قرار پائے۔ اے این پی کے غلام احمد بلور 32 ہزار 253 ووٹ حاصل کرسکے اور یوں غلام بلور کو 25 ہزار 571 ووٹوں سے شکست ہوئی۔سابق وزیراعظم عمران خان نے پشاور کے بعد مردان کا میدان بھی مار لیا۔

این اے 22 مردان 3 کے تمام 330 پولنگ اسٹیشنز کے غیر سرکاری و غیر حتمی نتیجے کے تحت پاکستان تحریک انصاف کے عمران خان 76681 ووٹ لے کر کامیاب ہوئے۔جمعیت علمائے اسلام کے محمد قاسم 68181 ووٹ حاصل کرسکے اور انہیں 8500 ووٹوں سے شکست ہوئی۔

این اے 24 چارسدہ 2 کے 384 تمام پولنگ اسٹیشنز کے غیر سرکاری و غیر حتمی نتائج کے مطابق پی ٹی آئی چیئرمین عمران خان 78589 ووٹ لے کر جیتےہیں جبکہ عوامی نیشنل پارٹی کے ایمل ولی خان نے 68356 ووٹ حاصل کیے

این اے 108 فیصل آباد 8 کےتمام 353 پولنگ اسٹیشنز کے غیر سرکاری غیر حتمی نتیجے کے مطابق پاکستان تحریک انصاف کے عمران خان98664 لے کر کامیاب ہوگئے ہیں اور پاکستان مسلم لیگ ن کے عابد شیر علی نے 75131 ووٹ حاصل کرکے دوسرے نمبر پر رہے۔

این اے 118 ننکانہ صاحب 2 کے 319 پولنگ اسٹیشنز کے غیر سرکاری و غیر حتمی نتیجے کے مطابق عمران خان 90180 ووٹ لے کر کامیاب ہوگئے ہیں۔مدمقابل پاکستان مسلم لیگ ن کی شذرہ منصب علی نے 78024 ووٹ حاصل کیے۔

این اے 237 کراچی ملیر 2 کے 194 پولنگ اسٹیشنز کے غیر سرکاری غیر حتمی نتائج کے مطابق پاکستان پیپلز پارٹی کے عبدالحکیم بلوچ 32491 ووٹ لے کر کامیاب ہوگئے ہیں۔پاکستان تحریک انصاف کے عمران خان نے 22426 ووٹ لےکردوسرے نمبر پر رہے

این اے 239 کراچی، کورنگی کے 330  پولنگ اسٹیشنز کا غیر سرکاری غیر حتمی نتیجہ سامنے آگیا۔

جس کے مطابق پی ٹی آئی کے عمران خان 50 ہزار 14 ووٹ لے کر پہلے نمبر جبکہ متحدہ قومی موومنٹ کے سید نیئر رضا 18 ہزار 116 ووٹ لے کر دوسرے نمبر پر رہے

این اے 157 ملتان 4 کے تمام پولنگ اسٹیشنز کے غیر سرکاری اور غیر حتمی نتیجے کے مطابق پاکستان پیپلز پارٹی کے سید علی موسیٰ گیلانی327 107 ووٹ لے کر کامیاب ہوگئے۔ان کے مدمقابل شاہ محمود قریشی کی صاحبزادی اور پاکستان تحریک انصاف کی مہر بانو قریشی نے 82141 ووٹ حاصل کیے۔خیال رہے کہ یہ نشست شاہ محمود قریشی کے بی زین قریشی نے خالی کی تھی

پنجاب اسمبلی کی 3 نشستوں میں سے 2 پی ٹی آئی لے اُڑی پنجاب اسمبلی کی تین کی نشستوں پر بھی ضمنی انتخابات ہوئے جن میں پی پی 139 شیخوپورہ، پی پی 209 خانیوال اور پی پی 241 بہاولنگر شامل ہیں۔

پی ٹی آئی نے 2 اور مسلم لیگ (ن) نے پنجاب اسمبلی کی ایک نشست جیتی۔

پی پی 209 خانیوال کی نشست پی ٹی آئی نے جیت لی اور تمام 176 پولنگ اسٹیشنز کے غیر سرکاری و غیر حتمی نتائج کے مطابق پاکستان تحریک انصاف کے محمد فیصل خان نیازی 71156 ووٹ لے کر کامیاب ہوئے۔ن لیگ کے چوہدری ضیا الرحمان نے 57603 ووٹ حاصل کرسکے۔بہاولنگر کی سیٹ بھی تحریک انصاف نے حاصل کی.

پی پی 241 بہاولنگر 5 کے تمام 168 پولنگ اسٹیشنز کے غیر سرکاری غیر حتمی نتیجے کے تحت پاکستان تحریک انصاف کے ملک محمد مظفر خان 59957 ووٹ لے کر کامیاب ہوئے۔پاکستان مسلم لیگ ن کے امان اللہ ستار 48147 ووٹ حاصل کرکے دوسری پوزیشن پر رہے۔شیخورپورہ کی نشست ن لیگ کے حصے میں آئی اور ن لیگ کے چوہدری افتخار احمد بھنگو جیت گئے۔پی پی 139 شیخوپورہ 5 کے تمام 153 پولنگ اسٹیشنز کے غیر سرکاری و غیر حتمی نتیجے کے مطابق پاکستان مسلم لیگ ن کے چوہدری افتخار احمد بھنگو 40829 ووٹ لے کر پہلے نمبر رہے۔ان کے مدمقابل پاکستان تحریک انصاف کے محمد ابوبکر 37712ووٹ لے سکے