سلمان اکرم راجہ نے پی ٹی آئی چھوڑ دی، نئے سیکریٹری جنرل کیلئے کئی نام سامنے آگئے

عمران خان کی اہلیہ بشریٰ بی بی کے ہتک آمیز روئے پر برا فروختہ راجہ سلمان دوسری اور علیمہ خانم کی تلخ نوائی کی تاب نہ لا سکے جو انکی ممدوح تھی۔تحریک انصاف کی ٹوٹ پھوٹ نئی انتہا کی طرف جا رہی ہے، نئے سیکریٹری جنرل کے لئے کئی نام سامنے آگئے سردار لطیف کھوسہ دوڑ میں آگے ہیں۔حماد اظہر کے دستبردار ہونے سے لاہور کے حلقہ 129 سے پاکستان مسلم لیگ-ن کے لئے ضمنی انتخاب آسان ہوگیا، ۔تحریک انصاف کے سیکریٹری جنرل بیرسٹر سلمان اکرم راجہ کی کو عمران خان کی بہن علیمہ خانم نے تنقید کا نشانہ بنا کر صدمے سے دوچار کردیا جسے وہ برداشت نہیں کرسکے اس طرح وہ تحریک انصاف سے نکل گئے اس پارٹی میں بشریٰ بی بی نے قیادت پر قبضہ کرنے کی کوشش کی تو اس کے مقابلے میں علیمہ خانم آگئی تھیں جن کا سلمان اکرم راجہ نے بھرپور ساتھ دیا تھا قابل اعتماد ذرائع نے بتایا ہے کہ سلمان اکرم راجہ سیاست سے الگ ہورہے ہیں اب وہ اپنی تمام تر توجہ وکالت پر مرتکز کرینگے انہیں تحریک انصاف کی سیاست میں حصہ لینے کے باعث سالانہ کروڑوں روپے کا نقصان ہورہا تھا جس کا ان کے افراد خانہ اور قریب ترین افراد کو بہت دکھ تھا۔ ذرائع کا کہنا ہے کہ تحریک انصاف میں ٹوٹ پھوٹ کی شدت بڑھ رہی ہے۔اور مذید بڑے نام بھی پارٹی چھوڑ سکتے ہیں