سانحہ 9مئی مقدمات پر سینکڑوں عمران خان سمیت پی ٹی آئی کارکنوں کے سمن جاری

انسداد دہشتگردی عدالت کے جج اعجاز آصف نے 9 مئی کو فوجی تنصیبات پر حملوں میں ملوث ہونے پر سابق چیئرمین پی ٹی آئی عمران خان اور شاہ محمود قریشی سمیت تحریک انصاف کے سینکڑوں کارکنان کو کل ممکنہ طور پر فرد جرم کیلئے طلب کرلیا۔انسداد دہشت گردی عدالت نے 25 جنوری جو 9 مئی مقدمات میں سابق چیئرمین پی ٹی آئی اور شاہ محمود قریشی کے خلاف فرد جرم عائد کرنے کیلئے 6 فروری کی تاریخ مقرر کی تھی۔انسداد دہشت گردی عدالت کے جج ملک اعجاز آصف نے اڈیالہ جیل میں گزشتہ سماعت پر عمران خان اور شاہ محمود قریشی کو مقدمات کی نقول فراہم کرتے ہوئے فرد جرم عائد کرنے کیلئے 6 فروری کی تاریخ مقرر کی تھی اور کیس کی مزید سماعت 6 فروری تک ملتوی کر دی تھی۔اب جج اعجاز آصف کل 9 مئی کے راولپنڈی میں درج 12 مقدمات میں نامزد 498 ملزمان کے خلاف باقاعدہ جیل ٹرائل کا آغاز کریں گے۔عمران خان ، شاہ محمود قریشی ، شیخ رشید کو جیل سے ہی حاضری کے لئے پیش کیا جائے گا، جبکہ باقی ضمانت پر موجودہ تمام ملزمان حاضری کے لئے اڈیالہ جیل کمیونٹی ہال کمرہ عدالت پہنچیں گے۔واضح رہے کہ 9 مئی سے متعلق سابق چیئرمین پی ٹی آئی کے خلاف 12 اور شاہ محمود قریشی کے خلاف 6 مقدمات درج ہیں اور دونوں نے ان مقدمات کے سلسلے میں درخواستِ ضمانت دائر کر رکھی ہے۔