زمان پارک لاہور میں کالعدم تنظیموں کے دہشتگردوں کی موجودگی کی اطلاع پر گرینڈ آپریشن شروع

تحریک انصاف کے چیئرمین عمران خان کی رہائش گاہ زمان پارک لاہور میں کالعدم تنظیموں کے دہشتگردوں کی موجودگی کی اطلاعات کے بعد پولیس نے گرینڈ آپریشن شروع کردیا ہے، صوبائی دارالحکومت لاہور میں مال روڈ انڈر پاس کو کنٹینر اور بیریئر لگا کر بند کر دیا گیا ہے جبکہ دھرم پورہ، ریلوے پھاٹک اور گڑھی شاہو جانے والے راستے بھی بند ہیں۔اس کے علاوہ میو گارڈن، اپر مال اور دیگر انڈر پاسز بھی بند کر دیے گئے ہیں اور بند راستوں پر پولیس کی بھاری نفری تعینات ہے۔لاہور میں بند کیے گئے راستوں پر خاردار تاریں بھی بچھائی گئی ہیں۔، بتایا گیا ہے کہ زمان پارک میں موجود متعدد مشکوک افراد کو گرفتار کیا گیا ہے، سٹی ڈسٹرکٹ گورنمنٹ لاہور کا عملہ گاڑیوں اور کرینوں کے ساتھ تجاوزات ہٹانے کے لیے پولیس کے آپریشن میں ہمراہ ہے