خواتین کے لیے حجاب لینا لازم یاثانوی عمل؟ بھارتی سپریم کورٹ فیصلہ کرنے میں ناکام، ججز کی رائے منقسم، مقدمہ لارجر بینچ کے سپرد

بھارتی سپریم کورٹ ملک کے اندر مسلم خواتین کے حجاب لینے کے حق کے مقدمے کی سماعت کے دوران ججز متفقہ فیصلہ دینے سے قاصر رہےکی اس معاملے میں مختلف آرا کے باعث کوئی فیصلہ نہ ہو سکااور اب اس مقدمے کی سماعت سپریم کورٹ کا لارجر بنچ کرے گا۔

بھارتی سپریم کورٹ میں جسٹس ہیمنت گپتا اور سدھانشو دھولیا کا دو رکنی بینچ اس مقدمے کی سماعت کر رہا تھا۔مقدمے کی سماعت کرتے ہوئے ایک جج نے کرناٹک ہائی کورٹ کے فیصلے کو برقرار رکھتے ہوئے کہا کہ اسلام میں حجاب لینا لازمی نہیں ہے۔ جبکہ بینچ میں موجود دوسرے جج کا کہنا تھا کہ کرناٹک ہائی کورٹ کا فیصلہ غلط ہے اور حجاب لینا خواتین کی مرضی کی بات ہے۔

سماعت کے دوران جسٹس گپتا نے کہا کہ حجاب کے بارے میں ہماری مختلف آرا ہیں، اس لیے یہ معاملہ چیف جسٹس کو بھیجا جا رہا ہے تاکہ وہ لارجر بنچ تشکیل دیں۔تاہم اس دوران کرناٹک ہائی کورٹ کا جاری کردہ فیصلہ نافذ رہے گا۔