جسٹس عامر فاروق اسلام آباد ہائیکورٹ کے نئے چیف جسٹس، جوڈیشل کمیشن کی سفارش

اعلیٰ عدلیہ میں ججوں کی تقرری کے آئینی فورم جوڈیشل کمیشن کا اجلاس آج ہوا چیف جسٹس اور چیئرمین جسٹس عمر عطا بندیال کی سربراہی میں جوڈیشل کمیشن اجلاس میں اسلام آباد ہائیکورٹ کے چیف جسٹس کیلئے نامزد جسٹس عامر فاروق کے نام پر غور کیا گیا جسکے بعد جوڈیشل کمیشن پارلیمانی کمیٹی نے جسٹس عامر فاروق کو چیف جسٹس اسلام آباد ہائیکورٹ مقرر کرنے کی سفارش کی ہے، واضح رہے کہ جوڈیشل کمیشن نے چیف جسٹس اسلام آباد ہائیکورٹ جسٹس اطہر من اللہ کی بطور جج سپریم کورٹ تقرری کی سفارش کررکھی ہے اور چیف جسٹس پاکستان جسٹس عمر عطا بندیال نے جسٹس عامرفاروق کو چیف جسٹس اسلام آباد ہائیکورٹ کے عہدے کیلئے نامزد کیا. اب جسٹس عامرفاروق کا نام ججز کی تقرری کی پارلیمانی کمیٹی کو بھجوایا جائے گا جہاں چیف جسٹس کے سفارش کردہ نام کی حتمی منظوری دی جائے گی۔جوڈیشل کمیشن کے ارکان کی تعداد نو ہے جن میں اس وقت چیف جسٹس عمر عطا بندیال کے علاوہ جسٹس قاضی فائز عیسیٰ، جسٹس سردار طارق، جسٹس اعجاز الاحسن اور جسٹس منصور علی شاہ شامل ہیں۔ان کے علاوہ سپریم کورٹ کے ایک ریٹائرڈ جج جسٹس سرمد جلال عثمانی، اٹارنی جنرل، وزیر قانون اور پاکستان بار کونسل کا ایک نمائندہ بھی اس کمیشن کا رکن ہے