توشہ خانہ گھڑی خریدنے کامعاملہ : اسلام آباد کے تاجر نےعمران خان کے دعوے کی تردید کردی

اسلام آباد جناح سپر مارکیٹ کے تاجر محمد شفیق کی جانب سے مبینہ طور پر چیئرمین پی ٹی آئی عمران خان کی گھڑی خریدنے کی تردید تاجر سامنے آ گئی ہے۔توشہ خانہ کی گھڑی کے مبینہ خریدار محمد شفیق کا اپنے بیان میں

بتانا ہے کہ میرا نام محمد شفیق ہے، جناح سپر مارکیٹ ایف 7 میں میری دُکان ہے، نہ میں نے کوئی گھڑی خریدی نہ میرا اس سے کوئی تعلق ہے، میرے خلاف پروپیگنڈا چل رہا ہےکہ عمران خان کی گھڑی خریدی ہے۔محمد شفیق نے کہا ہے کہ نہ وہ میرا بل ہے، نہ دستخط ہیں، نہ میری لکھائی ہے، میری اسٹیمپ وغیرہ کا غلط استعمال ہوا ہے، میں خاصے عرصے سے خاموش تھا کہ معاملہ ختم ہوجائے۔محمد شفیق کا مزید کہنا ہے کہ مجھے ہر طرف سے پریشانی ہوئی، ان تمام باتوں کی تردید کرتا ہوں، نہ میں نےکوئی گھڑی خریدی، نہ مجھے اس معاملے کا کوئی علم ہے، میرا اس سارے معاملے سے کوئی تعلق نہیں۔محمد شفیق نے کہا ہے کہ یہ جو میرا نام سیاسی طور پر لیا جا رہا ہے اس کی تردید کرتا ہوں، اگر مجھےاس معاملے میں گھسیٹا جائے گا تو قانونی چارہ جوئی کروں گا واضح رہے کہ پاکستان تحریک انصاف (پی ٹی آئی) کے چیئرمین اور سابق وزیراعظم عمران خان نے کہا تھا کہ توشہ خانہ کی گھڑی اسلام آباد میں جناح سپر مارکیٹ میں تاجر محمد شفیق کو فروخت کی گئی تھی جس کا ثبوت ہاتھ سے لکھی گئی رسید کی شکل میں موجود ہے۔ تاہم آج اس تاجر نے عمران خان کے اس دعوے کی تردید کرتے ہوئے کہا کہ اس نے عمران خان سے کسی قسم کی کوئی گھڑی نہیں خریدی