ترکیہ،شام میں زلزلے سے جاں بحق افراد کی تعداد ہزار سےتجاوزنہ کرگئی

مختلف ذرائع سے حاصل کردہ رپورٹس کے مطابق ترکیہ میں ہلاکتوں کی تعداد 29,605 ہو گئی ہے جبکہ شام میں 4,500 سے زائد افراد زندگی کی بازی ہار چکے ہیں، ترکیہ میں 140 گھنٹے بعد 7 ماہ کے بچے ، 136 گھنٹے بعد 13 سال کی لڑکی اور ایک عمارت کے ملبے سے 70 سال کی ترک خاتون کو نکال لیا گیا ہے۔دوسری جانب ترکیہ پولیس نے عمارتوں کی ناقص تعمیرات میں ملوث افراد کے وارنٹ گرفتاری جاری کر تے ہوئے ٹھیکیداروں سمیت 12 افراد کو حراست میں لے لیا ہے جبکہ مزید گرفتاریوں کی بھی توقع ہے۔علاوہ ازیں ترکی اور آرمینیا کے درمیان سرحدی گزرگاہ 35 سالوں میں پہلی بار دوبارہ کھول دی گئی ہے تاکہ امداد کی آمدورفت آسان بنائی جا سکے۔قبل ازیں اقوام متحدہ کا کہنا تھا کہ شام میں زلزلے کے بعد 5.3 ملین تک لوگ بے گھر ہو سکتے ہیں۔