بینک میں 5 کروڑ روپے کی جعلی کرنسی جمع کرانے والا ملزم گرفتار

پشاورمیں مبینہ طور پر ایک شخص نے ساڑھے پانچ کروڑ روپے کی جعلی کرنسی بینک میں جمع کروادی، ایف آئی اے لاہور نے پشاور کے رہائشی ہارون کو لاہور سے گرفتار کرلیا۔آویئرانٹرنیشنل ذرائع کے مطابق ملزم ہارون نے پانچ کروڑ بیاسی لاکھ پشاور کے نجی بینک میں 27 اپریل کو جمع کرائے۔، ملزم نے 29 اپریل کو لاہور سے 50 لاکھ روپے کیش کروائے، ملزم ہارون نے مزید دو کروڑ روپے کیش کروانے کےلئےڈرافٹ تیارکروایا۔ بعدازاں پشاور بینک کی اطلاع پر لاہور کے سندرداس روڈ لاہور پر واقع بینک کے برانچ مینجر نےملزم ہارون کو گرفتار کرایا۔ بینک حکام کےمطابق پشاور میں جمع کرائی گئی رقم جعلی تھی، ملزم پرانا کسٹمر تھا اس لئے موقع پرکرنسی نوٹ چیک نہیں کئے۔ملزم ہارون نےکہا دو دن بعد بینک کے عملے کو خیال آیا کہ نوٹ جعلی ہیں، موقع پر بینک عملہ کو متعدد بار کرنسی چیک کرنےکا کہا، بینک حکام کی تسلی کےبعد گھر روانہ ہوا۔