بھارت نے حملہ کیا تو پاکستان اپنے دفاع میں جوہری اور روایتی طاقت روس دونوں استعمال کرے گا، روس میں تعینات پاکستانی سفیر

روس میں پاکستان کے سفیر محمد خالد جمالی کا کہنا ہے کہ ہمارے پاس انٹیلیجنس شواہد ہیں کہ بھارت پاکستان پر حملے کی منصوبہ بندی کر رہا ہے، بھارت نےحملہ کیا تو مکمل طاقت سے جواب دیا جائے گا۔روسی میڈیا سے گفتگو کرتے ہوئے پاکستانی سفیر خالد جمالی نے کہا کہ پاکستان اپنے دفاع میں جوہری اور روایتی طاقت دونوں استعمال کرے گا،بھارت متعدد بار فالس فلیگ آپریشنز کرکے الزام پاکستان پر لگا چکا ہے. خالد جمالی نے کہا کہ پانی کے مسئلے پر کسی بھی جارحیت کا جواب جنگ سے ہو گا، حملے کی صورت میں پاکستان اپنی سرحدوں کے دفاع میں کسی بھی حد تک جائے گا، بھارت کے الزامات بے بنیاد ہیں، ان کا حقیقت سے دور دور تک کا تعلق نہیں۔انہوں نے کہا کہ بھارتی جنگی پروپیگنڈے کو مسترد کرتے ہیں، ہمیں اپنی سرحدوں کے دفاع کا پورا حق ہے، عالمی برادری سے مطالبہ ہے کہ پہلگام حملے کی غیر جانبدار تحقیقات کی جائیں، چین اور روس سے اس تحقیقات میں شامل ہونے کی درخواست کرتے ہیں